Barañain abesbatzaren “Mujeres con dos bemoles” proiektua babestu du Nafarroako Kutxa fundazioak.

Eskerrak eman nahi dizkiogu Nafarroako Kutxa fundazioari, “Mujeres con dos bemoles” egitasmoa babesteagatik. Antzerki eta musika ikuskizun horrek abesbatza-musika eta Tdiferencia taldearen komedia uztartzen ditu, eta argitara ekartzen ditu luzaroan ilunpetan egon diren hainbat musika-lan zoragarri, lan horien egileak nolanahikoak ez ziren emakumekoak izan arren.

Bestalde, gure esker ona agertu nahi diogu Gaiarre Antzokia udal fundazioari ere, “Mujeres con dos bemoles” proiektuan uste osoa izateagatik eta ikuskizuna haien etxean eman ahal izateko ateak zabaltzeagatik.

Azkenik, jakina, eskerrak Barañaingo Udalari, azken urte hauetan guztietan eman digun laguntza bikainagatik, eta baita Barañain Auditorioari ere, gu laguntzeko beti prest egoteagatik eta auditorioan geure etxean bageunde bezala sentiarazteagatik.

Mila esker.