Mujeres con dos bemoles Aranguren ibarreko kultur etxean

Foru komunitateko sei herritan eginen ditugun emanaldiak hasteko amorratzen gaude. Aranguren ibarreko kultur etxean izanen gara urriaren 19an, ostiralarekin, arratseko 8etan, kutxa magikoa eta emakumezkoek sortutako gure abestiak besapean harturik. Emanaldi horretan Adriana Olmedok eta Nerea Bonitok hezurmamituko dituzte Sara eta Adela protagonistak. Bi emakume horiek nor diren eta oinordetzan zer ondare jaso duten jakin nahi duzu? Zatoz, eta ikus ezazu gurekin batean nolanahikoak ez diren bi emakume horien bizitza nolakoa den.